Dáýren Eleýsinov WBC tıtýly úshin aıqas aldynda salmaq ólsheýden ótti

NUR-SULTAN. QazAqparat – Eshqashan jeńilip kórmegen qazaqstandyq boksshy Dáýren Eleýsinov (8-0-1, 7 KO) Meksıkadaǵy tıtýldyq jekpe-jek aldynda salmaq ólsheý rásiminen ótti, dep habarlaıdy Sports.kz.

15 tamyzda Gvadalaharda ol jergilikti boksshy Hýan Karlos Raıgospen (16-15-3, 6 KO) orta salmaqta WBC International nusqasy boıynsha chempıondyq tıtýl úshin aıqasady.

Bul jekpe-jek almaty ýaqyty boıynsha Qazaqstanda 16 tamyz kúni tańerteń bolady.

Eleýsinov óziniń Instagram paraqshasynda salmaq ólsheý rásimi sátti ótkenin jazyp, birneshe sýretterin jarııalady.