Dáýren Eleýsinov kásibı rıngtegi alǵashqy kezdesýin Nıý-Iorkte ótkizedi
ASTANA. QazAqparat - QR-dyń bokstan sport sheberi, 2005 jylǵy Qazaqstan chempıony Dáýren Eleýsinov 3 jeltoqsanda Nıý-Iorkte kásibı rıngtegi birinshi jekpe-jegin ótkizedi. Bul týraly onyń týǵan inisi - Danııar Eleýsinov óziniń Instagram paraqshasynda jazdy.
«3 jeltoqsanda úlken aǵam Nıý-Iorkte kásibı rıngke alǵash ret shyǵady. Qazaqstandyqtar, jerlesterińizdi qoldańyzdar!», - deıdi Danııar.
Eske salsaq, Danııar 2013 jylǵy álem chempıony, 2010 jáne 2014 jyldardaǵy Azııa Oıyndarynyń chempıony, sonymen birge 2013 jáne 2014 jyldardaǵy AIBA nusqasy boıynsha Úzdik álem boksshysy ataǵynyń ıegeri.
Dáýren Eleýsinov jastar arasynda kóptegen respýblıkalyq týrnırlerdiń jeńimpazy, júldegeri, 2005 jylǵy Qazaqstan chempıony.
