Dáýren Eleýsinov ázerbaıjandyq qarsylasyn tehnıkalyq nokaýtpen utty

NUR-SULTAN. QazAqparat — Elordanyń Jaqsylyq Úshkempirov atyndaǵy Jekpe-jek saraıynda ótip jatqan kásipqoı boks keshinde Dáýren Eleýsinovtiń jekpe-jegi merziminen buryn aıaqtaldy, dep habarlaıdy QazAqparat tilshisi.

Táýelsizdiktiń 30 jyldyǵyna oraılastyrylǵan boks keshinde qazaqstandyq Dáýren Eleýsinov Ázerbaıjan boksshysy Álı Mammedovpen judyryqtasty.

Kezdesýdiń basynan-aq Qazaqstan boksshysynyń aıqyn basymdyǵy sezilip turdy.

10 raýndqa josparlanǵan kezdesýdiń úshinshi raýndynda ázerbaıjandyq boksshy basy men baýyrynan aýyr soqqylar alyp, alańdaǵy tóreshiniń sheshimi boıynsha aıqas merziminen buryn aıaqtaldy.

Budan buryn habarlanǵandaı, búgingi boks keshi «Habar» telearnasynyń tikeleı efırinen kórsetilip jatyr.

Aıta keteıik, keshtiń basty jekpe-jeginde qazaqstandyq Olımpıada chempıony Danııar Eleýsinov pen argentınalyq Hýan Ernan Leao jartylaı orta salmaqtaǵy IBO chempıondyq belbeýin sarapqa salady.

Otandasymyz buǵan deıin kezdesý ótkizip 16 kezdesý ótkizip, onyń altaýyn nokaýtpen aıaqtasa, onyń qarsylasy 15 jeńisiniń tórteýin nokaýtpen támamdap, bir jekpe-jegin sátsiz aıaqtaǵan.