Dáýren Abaev úzdik áleýmettik rolıkti jarııalady
ASTANA. QazAqparat - QR Aqparat jáne kommýnıkatsııalar mınıstri Dáýren Abaev úzdik áleýmettik rolıkti jarııalady, dep xabarlaıdy QazAqparat tilshisi.
"Qurmetti dostar! "NIET" baıqaýynyń jeńimpazy Dmıtrıı Galabırdiń stsenarııi boıynsha túsirilgen áleýmettik rolıkti nazarlaryńyzǵa usynamyn!", - dep jazdy mınıstr óziniń áleýmettik jelidegi paraqshasynda.
Aıta keteıik, búgin Astanada "Nıet" baıqaýynyń jeńimpazdary marapattaldy. Baıqaýdyń negizgi maqsaty - áleýmettik beınerolıkterdiń úzdik stsenarıılerin anyqtaý. Baıqaýdyń bas júldesin almatylyq Dmıtrıı Galabır jeńip aldy. Oǵan 1 mıllıon teńge kóleminde syıaqy tabystaldy. Sondaı-aq, mınıstr úzdik áleýmettik rolıkte basty róldi oınaǵan Sherxan esimdi balany arnaıy syılyqpen marapattady. Ekinshi oryndy Qýanysh Omarov ıelendi. Oǵan Apple MacBook tabystaldy. Al úshinshi orynnyń ıesi - Rınat Turǵanbekov Canon fotokamerasyn utyp aldy. Budan bólek, úzdik stsenarıılerdiń tórt avtoryna arnaıy dıplomdar men yntalandyrý syılyqtary tabys etildi. Olardyń stsenarııleri boıynsha beınerolıkter áli túsirilgen joq.
