Dáýren Abaev:Ulttyq jobalar – eski problemalardy jańa tásilmen sheshýdiń quraly
«Prezıdent Ulttyq jobalardyń birqataryn bekitkeni týraly jańalyq paıda bolǵan sátte-aq bári «mátini qaıda?» degen suraq qoıdy. El ishinde Úkimet Ulttyq jobalardyń mazmunyn jyl boıy jasyryp kelgendeı, quddy bir astyrtyn ómirge engizgeli jatqandaı syndar aıtyldy. Belgili bir nıýanstar, logıstıka bar. Eki kúnniń aınalasynda Ulttyq jobalardyń barlyq qujattary ashyq ortaǵa shyǵarylǵanyn bilesiz. Osydan keıin-aq barsha qyzý áńgime tynshydy dep oılaımyn», - dedi ol suhbat barysynda.
Onyń paıymynsha, Ulttyq jobalardyń atyna qarap qana baǵa berse, shynymen de osyǵan deıin qoldanylǵan memlekettik baǵdarlamalardan aıyrmashylyǵy joq bolyp kórinýi múmkin.
«Al memlekettik baǵdarlamalar men Ulttyq jobalardyń mazmunyna mańyz berip qarasaq, tujyrymdamalyq ózgeshelikter bar. Eń áýeli tásilderinde aıyrmashylyq bar. ıAǵnı, bizdiń eski problemalardy jańa tásildermen, aıqyn basym baǵytqa qurylǵan sharalar arqyly, jobalyq basqarý quraldary arqyly, tsıfrlyq transformatsııa arqyly sheshkimiz keledi. Ulttyq jobalarǵa túzetýler de engizilip jatyr. Mysaly. «Jasyl Qazaqstan – qaýipsiz el» ulttyq jobasy memlekettiń júıeli saýaldaryna bergen tikeleı jaýaby. Bir sáttik emes, aıqyn rásimdelgen, qoǵamdyq múddeler teńdiginiń aıasynda belgilengen», - degen Prezıdent ákimgiligi basshysynyń birinshi orynbasary Ulttyq jobalardyń iske asýyna «Halyq únine qulaq asatyn memleket» qaǵıdaty qala yqpal etetinin túsindirdi.
«Salamatty ult» jáne «Bilimdi ult» jobalary da qazirgi ahýalǵa jaýap deýge bolady. Pandemııa kezeńi densaýlyq saqtaý júıesi de, qazaqstandyqtardyń óz densaýlyǵyna degen kózqarasy da reformany qajet etetinin kórsetti. Al mektep pen bilim ult damýynyń negizgi máselesi. Bizde mektepke baratyn balalardyń úlken tolqyny qalyptasyp otyr. Áıne, olarǵa mektepte jaqsy bilim berilýi kerek. Onsyz qoǵamdy nemese ekonomıkany damytýǵa baǵyttalǵan kez kelgen baǵdarlamanyń máni joq. «Halyq únine qulaq asatyn memleket» tujyrymdamasy Ulttyq jobalardy iske asyrýda mańyzdy ról oınaıtynyn aıryqsha aıtý kerek. Ol qoǵamdaǵy saýaldardyń eń negizgilerin iriktep shyǵaryp, saıasat pen reformaǵa enýine múmkindik berdi. Prezıdent byltyrǵy Joldaýynda «halyq únine qulaq asatyn memleket» ádiletti memleket qurýdyń quraly ekenin aıtqanyn bilemiz. «Halyq únine qulaq asatyn memleket» qoǵamy osy Ulttyq jobalardyń oryndalýyn qadaǵalaǵan kezde óz rólin atqarady. Bul memlekettik organdarǵa áldeqaıda tıimdi áreket etýge múmkindik beredi», - dedi Dáýren Abaev.
