Dáýren Abaev: Túrkistan oblysynda sharýa lımon baǵyn ósirip, 5 mln teńge tabys tapqan
NUR-SULTAN. QazAqparat - QR Aqparat jáne qoǵamdyq damý mınıstri Dáýren Abaev «Habar» arnasynyń «Ashyq dıalog» baǵdarlamasynda Túrkistan oblysynda lımon baǵyn ósirgen sharýa týraly aıtty, dep habarlaıdy QazAqparat tilshisi.
«Túrkistan oblysynda ıÝldash Ablazev esimdi azamat 10 sotyq jerge lımon baǵyn ósirgen sharýa turady. Ol byltyr osy baqtan 5 tonna lımon jınap, 5 mıllıon teńgeden astam tabys tapqan», - deıdi Dáýren Abaev.
Ol 10 sotyq jer - shaǵyn baqsha ǵana ekenin aıtty.
«Bıyl ol lımon baǵyn taǵy da 10 sotyqqa keńeıtýdi josparlap otyr. Lımon aǵashtaryn otyrǵyzyp qoıǵan. Sharýa ony kútip-baptaýda. Bul eńbekqorlyqtyń jaqsy úlgisi», - deıdi mınıstr.
