Dáýren Abaev «Rýhanı jańǵyrý» baǵdarlamasyn júıeli damytý strategııasyn jasaýdy tapsyrdy
Bul týraly búgin QR Aqparat jáne qoǵamdyq damý mınıstrliginiń keńeıtilgen alqa otyrysynda vedomstvo basshysy Dáýren Abaev aıtty, dep habarlaıdy QazAqparat tilshisi.
Alqa otyrysy barysynda mınıstr «Rýhanı jańǵyrý» baǵytynda bıyl atqarylýy tıisti jumystarǵa toqtalyp ótti.
«Birinshi - «Rýhanı jańǵyrý» ambassadorlary» jobasyn júzege asyrý. Ekinshi - «Rýhanı jańǵyrý» baǵdarlamasyn júzege asyrýdyń tıimdiligi» taqyrybynda saraptamalyq baıandama jasaý jáne shyǵarý«, - dedi ol.
Onyń atap ótýinshe, úshinshiden, Qazaqstannyń kıeli jerleriniń tanymaldyǵyn arttyrý maqsatynda olardy 2GIS karta-qosymshasyna qosý boıynsha jumysty jalǵastyrylady. Búginde osy kartaǵa elimizdiń 130-ǵa jýyq nysany kirdi.
«Vıtse-mınıstr Ǵabıdýlla Ospanqulovqa bıyl «Rýhanı jańǵyrý» baǵdarlamasyn ary qaraı júıeli damytýdyń naqty strategııasyn jasaýdy jáne ony júzege asyrýǵa kirisýdi tapsyramyn», - dedi Dáýren Abaev.
