Dáýren Abaev Prezıdent tapsyrmasy jaıynda: 800-den astam túrli sharany alyp tastadyq

NUR-SULTAN. QazAqparat - QR Aqparat jáne qoǵamdyq damý mınıstri Dáýren Abaev Memleket basshysy Qasym-Jomart Toqaevtyń tapsyrmasyna oraı bıyl ótýi tıisti 800-den astam sharanyń qysqarǵanyn aıtty, dep habarlaıdy QazAqparat tilshisi.

«Biz Abaıdyń 175 jyldyǵyn, el Táýelsizdigi kúnin atap ótemiz. QR Prezıdenti Qasym-Jomart Toqaev atalǵan forýmdardyń ishki mazmuny jaıynda aıtqan bolatyn. Al bul basqa másele. Táýelsizdik kúniniń 30 jyldyǵy aıasynda túrli merzimderi bar usynystardy jınaqtap jatyrmyz. Sizder aldyn ala jumystardy baıqamaısyzdar. Bul jospar qazirgi ýaqytta 89-90 tarmaqtan turady, al bastapqyda 900 tarmaq bolatyn. Biz 800-den astam túrli sharany alyp tastadyq. Bul jumystardyń barlyǵyn júrgizdik, forýmdar men semınarlar aıtarlyqtaı qysqardy», - dedi Dáýren Abaev mınıstrliktiń keńeıtilgen alqa otyrysynda BAQ ókilderiniń saýalyna oraı.

Sonymen qatar mınıstr aqpan aıynda Qazaqstan Táýelsizdiginiń 30 jyldyǵyn merekeleýge arnalǵan tujyrymdama men is-sharalar josparyn bekitý josparlanyp otyrǵandyǵyn aıtty.