Dáýren Abaev Pegasus shpıon baǵdarlamasy tóńiregindegi shýǵa qatysty pikir bildirdi
NUR-SULTAN. QazAqparat – Prezıdent Ákimshiligi Basshysynyń birinshi orynbasary Dáýren Abaev Pegasus baǵdarlamasynyń tóńiregindegi shýǵa qatysty pikir bildirdi, dep habarlaıdy QazAqparat tilshisi.
Halyqaralyq jemqorlyq pen uıymdasqan qylmysty zertteý ortalyǵy (OCCRP) Pegasus tyńshylyq baǵdarlamasy arqyly telefony tyńdalǵan adamdardyń tizimin jarııalaǵan bolatyn.
«Ashyq dıalog» suhbatynda Dáýren Abaevqa atalǵan baǵdarlama arqyly Qazaqstan basshylary men jýrnalısteriniń baılanys quraldary da tyńdalǵany týraly jańalyqqa qatysty saýal qoıyldy.
«Naqty anyq emes dúnıe týraly pikir aıtýdyń ózi qıyn. Bizge qandaı da bir dáleli joq, aıtarlyqtaı dúrliktiretin aqparat berildi jáne soǵan jaı ǵana senýdi usynyp otyr. Bylaısha aıtqanda, ol tizimge kimdi bolsa da qosyp, el ishinde, elıtanyń, jýrnalısterdiń jáne basqalardyń arasyna kúmánniń dánin sebýge bolady. Maǵan bul máselede aqylǵa qonymdy skeptıtsızm ustaný durys sııaqty. Ázirge basqa aıtarym joq», - dedi Dáýren Abaev.
Sondaı-aq, Prezıdent Ákimshiligi Basshysynyń birinshi orynbasary antıvakserlerge qatysty pikir bildirdi.
Dáýren Abaev antıvakserlerdiń azaımaı turýyna aqparat dáýirinde konspırologııalyq teorııalardyń kóbeıip ketkeni áser etip otyrǵanyn aıtady.
