Dáýren Abaev paralımpıadashylarmen «onlaın-kezdesý» ótkizdi

ALMATY. QazAqparat - Búgin QR Mádenıet jáne sport mınıstri Dáýren Abaev Almaty qalasynda Qytaı eliniń astanasy Beıjińde ótetin HІІІ qysqy paralımpıadanyń aldynda ulttyq paralımpıada quramasynyń oqý-jattyǵý qorytyndy jıyny ótip jatqan «Alataý» qysqy sport túrlerine arnalǵan respýblıkalyq joǵary sporttyq sheberlik mektebinde boldy. Bul týraly QazAqparat atalmysh vedomostvonyń resmı saıtyna silteme jasap habarlaıdy.

Mınıstr qatań antıkovıd shekteýleri jaǵdaıynda ótip jatqan emdeý-jattyǵýlarǵa baılanysty sportshylarmen onlaın-baılanys rejıminde sóılesti.

«Sizderdiń sporttyq jetistikterińiz, jeńiske degen erik-jigerlerińiz - sporttyń bıik shyńy. Sizder - bizdiń maqtanyshymyzsyzdar. Búkil el sizderge jankúıer bolady. Aldaǵy jarysta sáttilik serik bolsyn!», - dep atap ótti Dáýren Abaev.

Ulttyq qurama atynan Vasılıı Kolomıets sóz sóıledi.

Eske salaıyq, Beıjiń-2022 XIII Qysqy Paralımpıada 2022 jyldyń 4-13 naýryzy aralyǵynda ótedi. Dúbirli dodaǵa 50 elden 700-den astam sportshy qatysady. Ulttyq paralımpıada quramasy sapynda Erbol Hamıtov, Aleksandr Gerlıts, Sergeı Ýsoltsev, ıÝrıı Berezın jáne Denıs Petrenko syndy 5 sportshy bar.

Paralımpıadashylarymyz sporttyń eki túrinen – para shańǵy jarysy men para bıatlon boıynsha synǵa túsedi.

Paralıpıadanyń ashylý saltanaty 2022 jyldyń 4 naýryzynda Nur-Sultan ýaqyty boıynsha saǵat 22.00-de bastalady. Qazaqstan Paralımpıada quramasynyń tý ustaýshysy - para shańǵy jarysynan Álem kýbogynyń qola júldegeri, halyqaralyq dárejedegi sport sheberi Erbol Hamıtov.