Dáýren Abaev: Órkendeýdiń jalǵyz kepili – tatýlyq pen birliktiń de túp negizi rızashylyqta
«Barshańyzdy Alǵys aıtý kúnimen quttyqtaımyn!
Bul – kóktemniń alǵashqy kúnimen qatar keletin yqylas pen meıirimge, úmit pen jylýlyqqa toly mereke.
Kóńilden bıik, kóńilden názik dúnıe bar dep sanamaǵan babalarymyz «Qarǵys alma, alǵys al» degen qaǵıdany berik ustanǵan, qıly zamanda taǵdyr tabystyrǵan ózge de halyq ókilderin baýyryna basyp, keńdik tanytqan, bizderge de osy márt minezderdi mıras etken. Damý men órkendeýdiń jalǵyz kepili – tatýlyq pen birliktiń de túp negizi rızashylyqta ekeni daýsyz. Sondyqtan elimizdiń árbir azamaty osy merekede ótkenge salaýat, zamandastaryna alǵys aıtqany jón dep sanaımyn.
Óz kezegimde, búgingi baıandy kúnge jetýimizge qyzmet qylǵan jáne el erteńi úshin eńbek etip jatqan jandarǵa zor alǵys aıtamyn!», dep jazdy Dáýren Abaev Facebook -tegi paraqshasynda .
