Dáýren Abaev: Organdar tarıfti zańsyz kótergen árbir kásiporyndy tekseretin bolady
«Eń áýeli Qaýipsizdik keńesi - baǵyty aýqymdy organ ekenin aıta ketý kerek. Onyń quzyretine tek qaýipsizdik máselesi ǵana emes, saıası jáne áleýmettik turaqtylyq, azamattardyń quqyǵy men erkindigi isteri de kiredi. Tarıfter týraly aıtar bolsaq, Memleket basshysy óz Joldaýynda bul máselege beker toqtalǵan joq. Memleket basshysynyń tapsyrmasymen júrgizilgen áleýmettik ólshemder joǵary tarıfter týraly suraqtar bizdiń qoǵamnyń eń ótkir jáne kópti mazalaıtyn máseleleri ekenin kórsetip otyr», - deıdi Dáýren Abaev Habar arnasyndaǵy «Ashyq dıalog» baǵdarlamasynda
Mınıstrdiń aıtýynsha, sý men elektr energııasynyń bizdiń eldegi baǵalary edáýir demokratııalyq sıpatqa ıe.
«Alaıda sońǵy jyldary memleket monopolısterge qulaq asyp, barlyq ınfraqurylymdardy jańartýǵa múmkindik berý úshin tarıfterdi kóterýdi ruqsat etken edi. Biraq, adamdar aqshany kóp tóleı bastaǵanymen, sapaly ózgerister boldy ma? Mine, bul - Qaýipsizdik keńesinde Memleket basshysy kótergen máselelerdiń biri boldy», - dedi vedomstvo basshysy.
Dáýren Abaev óz sózinde azamattardy eń aldymen tólep jatqan aqsharalary qaıda ketip jatqanyn alańdatatyn tilge tıek etti.
«Bılik halyqtyń osy áleýmettik kóńil-kúıine jaýap berdi. Prezıdent monopolısterdiń jumysyn tekserýde Bas prokýratýraǵa salmaqty kart-blansh berdi. Álbette, barlyq jaǵdaıda 100 paıyz buzýshylyqtar tirkeldi dep aıta almaımyz. Shynynda da, keıbir jaǵdaılarda aqsha rasynda jańartýǵa, qurylǵylardy satyp alýǵa jumsalǵany belgili. Sol sebepti, organdar árbir jeke kásiporyndy tekseretin bolady. Qandaı jaǵdaı bolmasyn barlyq kináli adamdar jazasyn alyp, al zańsyz shyǵyndalǵan qarajat qaıtarylyp, maqsatty paıdalanýǵa jumsalaryna senimdimin», - dedi Dáýren Abaev.
Eske sala ketsek, Aqordada Qaýipsizdik keńesiniń otyrysynda Memleket basshysy Nursultan Nazarbaev kommýnaldyq qyzmetterge tarıfterdi zańsyz ósirgen tabıǵı monopolııalar sýbektilerin jazalaýdy talap etken bolatyn.
