Dáýren Abaev: Onlaın-tirkeýge erterek qamdaný kerek edi

ASTANA. QazAqparat - Búgin ýaqytsha tirkeý məselesi talqylanǵan alańda sóz ala otyryp, Aqparat jəne kommýnıkatsııalar mınıstri Dəýren Abaev onlaın-tirkeý boıynsha mınıstrlik tarapynan belgili bir kemshilikter bolǵanyn atap ótti, dep habarlaıdy QazAqparat.

«Ərıne, bizdiń tarapymyzdan belgili bir kemshilikter bolǵanyn moıyndaımyz. Buny ashyq moıyndaý kerek. Onlaın-tirkeýdi ýaqytsha tirkeý týraly zań iske qosylmaı turyp, səl erterek, aldyn ala daıyndaý kerek edi. Biraq, biz Qazaqstan Respýblıkasynyń azamattary tarapynan  osyndaı lek bolady dep kútken joqpyz. Onyń ústine, jyl saıynǵy jərdemaqyny esepteý, tıisti anyqtamalar berý kezeńine tuspa-tus keldi», - dedi Dəýren Abaev.

Mınıstr sondaı-aq, Halyqqa qyzmet kórsetý ortalyqtaryndaǵy búkil qyzmetker ýaqytsha tirkeýge turǵyza almaıtynyn eske salyp ótti.

«Halyqqa qyzmet kórsetý ortalyqtarynyń 30 operatory túgeldeı ýaqytsha tirkeý júrgizbeıtinin túsinesizder dep oılaımyn. Ýaqytsha tirkeýdi tek kóshi-qon polıtsııasynyń qyzmetkerleri júrgizedi. Halyqqa qyzmet kórsetý ortalyqtarynyń basqa qyzmetkerleri bazany kóre almaıdy. Biraq, bul məseleni de sheship jatyrmyz. Qazirdiń ózinde ajıotaj basyldy», - dedi Dəýren Abaev.