Dáýren Abaev óńirler tsıfrlyq habar taratýǵa qashan kóshetinin jarııa etti

ASTANA. QazAqparat - Búgin Úkimettiń selektorlyq rejimdegi otyrysynda Aqparat jáne kommýnıkatsııalar mınıstri Dáýren Abaev óńirler qashan tsıfrlyq habar taratýǵa kóshetinin jarııa etti, dep habarlaıdy QazAqparat tilshisi.

«Halyq kózdegini ǵana emes, kóńildegini de kóredi», - degen sóz bar. Sondyqtan tsıfrlyq habar taratýǵa kóshý halyqtyń ıgiligi úshin jasalady. Taǵy bir artyqshylyq - tsıfrlyq habar taratýǵa kóshken jaǵdaıda radıojıilikter de bosaıdy. Osylaısha bosaǵan jıilikterdi biz baılanys salasyndaǵy jańa tehnologııalardy damytýǵa paıdalaný múmkindigin qarastyryp otyrmyz. Ol úshin baılanys operatorlarymen jan-jaqty jumys júrgizemiz», - dedi mınıstr.

Onyń aıtýynsha, ótken jyly Aqparat jáne kommýnıkatsııalar mınıstrligi «Teleradıo habarlaryn taratý» Zańyna ózgerister engizdi. Osylaısha olardyń ınfraqurylymdarynyń daıyndyǵyna saı aımaqtardy kezeń-kezeńimen kóshirýge jol ashty. 

«Mańǵystaý, Jambyl men Túrkistan oblystary jáne Shymkent qalasy - 2018 jyldyń aıaǵyna deıin, Almaty, Pavlodar, Qostanaı oblystary - 2019 jyly, Shyǵys Qazaqstan, Soltústik Qazaqstan, Qaraǵandy, Atyraý, Qyzylorda oblystary - 2020 jylǵa deıin, Batys Qazaqstan, Aqmola, Aqtóbe oblystary, Astana jáne Almaty qalalary - 2021 jyly kezeń-kezeńimen jańa formatqa aýysady», - dedi Dáýren Abaev.