Dáýren Abaev memlekettik marapattardyń «qunsyzdanýy» týraly pikir bildirdi
«Áýeli aıtatynym, marapattardyń báriniń dáreje-deńgeıi bolady. Muny marapat devalvatsııalanyp bara jatyr degen ýájge qatysty aıtyp otyrmyn. Sanaýly ǵana adamdarǵa beriletin ordender men medalder bar. Ondaı marapat jyl saıyn berilip jatqan da joq. Mereıtoı medalderiniń jóni basqa. Ondaı marapat elimizdiń damýyna eleýli úles qosyp júrgen túrli saladaǵy, túrli óńirdegi birtalaı qaıratkerge buıyrady», - dedi ol «Ashyq dıalog» suhbatynda.
Onyń paıymynsha, memleket bergen marapattardyń quny qatardaǵy kásibı mamandardyń eńbegi turǵanda eshqashan túspeıdi.
«Ózińiz jaı ǵana elestetip kórińiz. 30 jyl eńbek ótili bar, azamat degen atqa laıyq júzdegen adamdy tárbıelegen muǵalimge «medalińiz qunsyzdanyp ketti, baǵasy qalǵan joq» degendi túsindirip kórińiz. Osyndaı júzdegen muǵalimdi marapattadyq. Dál osy ýájdi ómir boıy kásiporyndarda nemese aýyl sharýashylyǵynda eńbek etken «Eńbek dańqy» ordeniniń 126 kavalerine aıtyp kórińiz. Nemese 133 Eńbek ardagerine, pandemııamen áli kúresip jatqan júzdegen dárigerge aıtyp kórińiz. Bul marapattar – olardyń ólsheýsiz eńbegi men qyzmetine qoǵam men memlekettiń kórsetken qurmeti», -dedi Prezıdent ákimshiligi basshysynyń birinshi orynbasary.
