Dáýren Abaev: «KazSport» habar taratýdy toqtatpaıdy

ASTANA. QazAqparat - Aqparat jáne kommýnıkatsııalar mınıstri Daýren Abaev «KazSport» telearnasynyń aqparat taratýdy toqtatatyny týraly aqparatty joqqa shyǵardy.

«Qurmetti dostar, búgin birqatar BAQ-ta KazSport HD telearnasy taratylymyn tolyqtaı toqtatatyny jóninde aqparat paıda boldy. Alaıda, bul aqparat shyndyqqa sáıkes kelmeıdi. Atalǵan resýrs burynǵysynsha «Otaý TV» jerseriktik operatorynyń paketinde qoljetimdi bola bermek»,-dep jazdy ol óziniń áleýmettik jelidegi paraqshasynda.

«Buǵan qosa, erteńnen bastap «Habar» men «Qazaqstan» telearnalary «Otaý TV» paketinde joǵary sapaly HD formatynda habar tarata bastaıdy»,-dep málimdedi mınıstr.