Dáýren Abaev Qazaqstannyń aýyl áıelderiniń III forýmyna qatysýshylardy quttyqtady
Qazaqstannyń aýyl áıelderiniń III forýmynda Dáýren Abaevtyń quttyqtaý hatyn QR Prezıdenti janyndaǵy áıelder isteri jáne otbasylyq demografııalyq saıasat jónindegi ulttyq komıssııa tóraıymy Lázzat Ramazanova oqyp berdi.
«Qadirli hanymdar! Barshańyzdy Qazaqstannyń aýyl áıelderiniń III forýmynyń ashylýymen shyn júrekten quttyqtaımyn. Aýyl men áıel – qaı kezde de qazaq úshin qasterli de kıeli uǵymdar. Bárimizdiń tamyrymyz aýyldan, ǵumyrymyz áıelden bastalady. Qazir de el halqynyń 40 paıyzynyń astamy aýyldy jerde turady. Sondyqtan aýyldy damytý – memlekettik saıasattyń basty basymdyǵynyń biri. Bul rette áıelderdiń áleýetin kúsheıtýge árqashan mán beriledi. Sebebi ózderińizdiń ekonomıkalyq úlesterińiz, áleýmettik jaýapkershilikterińiz jyldar saıyn artyp keledi», - deıdi Dáýren Abaev.
Onyń aıtýynsha, búgin de áıelder óz kásipornyn ashyp, sharýa qojalyqtaryn basqaryp, biregeı óndiristi iske qosyp, myńdaǵan adamdy jumyspen qamtamasyz etip otyr. Oǵan qosa óskeleń urpaqty tárbıelep, otbasy qundylyqtaryn saqtaýda alatyn oryndary da erekshe mańyzdy.
«Sonymen qatar sizder bilim berý, densaýlyq saqtaý, bıznes salasyn damytýǵa úlken úlesi qosyp kelesizder. Oǵan qosa «Jasyl ekonomıkany», tsıfrlyq tehnologııalar men ınnovatsııalyq jobalardyń damytý isinde de aýyl áıelderiniń úlesi zor. Al Memleket basshysynyń bastamalary buǵan qosymsha serpin beredi. Mysaly Prezıdentimiz bıylǵy Joldaýynda áleýmettik mańyzy bar azyq-túlik taýarlarynyń ózindik tolyq qamtamasyz etý, mıllıondaǵan aýyl turǵyndarynyń tabysyn arttyrý, eńbek ónimderin eki ese arttyrý, agroónerkásip kesheni óniminiń eksporttyq kólemin eki ese arttyrý sııaqty tapsyrmalar berdi. Sizder de osy mindetterdi júzege asyrýǵa zor úles qosyp júrsizder. Aldaǵy ýaqytta da erlermen qatar eleýli eńbek etetinderińizge senimimiz zor», - dedi Dáýren Abaev.
