Dáýren Abaev qazaqstandyqtardy Naýryz merekesimen quttyqtady

ASTANA. QazAqparat - Aqparat jáne kommýnıkatsııalar mınıstri Dáýren Abaev barsha qazaqstandyqtardy Naýryz merekesimen quttyqtady, dep habarlaıdy QazAqparat.

«Ardaqty aǵaıyn! Sizderdi Naýryz meıramymen shyn júrekten quttyqtaımyn! Ulystyń Uly kúni otbasylaryńyzǵa bereke, elimizge yrys pen yntymaq, jaqsylyq ákelsin! Aq mol, jyl jemisti bolsyn!» - dedi óz quttyqtaýynda mınıstr.

Aıta keteıik, bıyl qazaqstandyqtar Naýryz merekesine oraı qatarynan bes kún demalyp jatyr. Elimizdiń óńir-óńirinde kóje daıyndalyp, ulttyq oıyndardan jarystar uıymdastyryldy. Astana qalasynda merekege oraı birneshe alańda jalpyhalyqtyq mereke jalǵasyp jatyr.