Dáýren Abaev Qazaqstanda áleýmettik jelilerdiń jumysyndaǵy aqaýlarǵa qatysty pikir bildirdi

ASTANA. QazAqparat - Aqparat jáne kommýnıkatsııa mınıstri Dáýren Abaev áleýmettik jelilerdiń jumysyndaǵy aqaýlarǵa qatysty pikir bildirdi, dep habarlaıdy QazAqparat.

Onyń sózinshe, Qazaqstanda Internetti jetkizýge baılanys operatorlary jaýapty. Mysalǵa, olar Qazaqtelekom nemese Transtelekom bolýy yqtımal. 
«Eger problemalar shyǵyp jatsa, demek baılanys operatoryna baılanysty. Biz ony anyqtap jatyrmyz, aqparatty usynatyn bolamyz», - dedi mınıstr Úkimet otyrysynan soń, tilshilerge bergen suhbatynda. 
Aıta keteıik, sońǵy kúnderi qazaqstandyqtar Twitter, Instagram jáne Facebook sııaqty áleýmettik jelilerde jumys isteý qıynǵa soǵatynyn aıtyp, shaǵymdanǵan bolatyn.