Dáýren Abaev: Qazaqstan Úkimeti DDSU-men kúndelikti baılanysta otyr
«Koronavırýs osy ýaqytqa deıin bizdiń elde tirkelgen bolsa – Úkimetke ony jasyrýdyń ne qajeti bar edi?! Tirkelgeni jasyrylsa – bul múlde orynsyz ári tıimsiz strategııa bolary sózsiz. Faktilerdi jasyrý – aýrýdyń keńinen taraýyna jol ashady. ıAǵnı bulaı bolsa problemanyń aýqymy úlken bolary daýsyz. Álde Úkimet dúrbeleńnen qorqyp otyr dep oılaısyz ba? Biraq dúrbeleń qazirdiń ózinde bizdiń el túgili dúnıeni silkindirip tur. AQSh, Eýropa, Azııa, Afrıka – barlyq jerde bar. Bul álbette qalypty qubylys», - dedi Dáýren Abaev «Ashyq dıalog» baǵdarlamasynda.
Mınıstrdiń aıtýynsha qazirgi tańda Qazaqstan Úkimeti Dúnıejúzilik densaýlyq saqtaý uıymymen kúndelikti baılanysta.
«Álemdik qaýymdastyqtardyń, Dúnıejúzilik densaýlyq saqtaý uıymynyń óziniń reaktsııasyn da kórip otyrsyzdar. Eger Qazaqstan bul faktiniń tirkelgenin jasyryp otyrǵan bolsa, álemdegi seriktesterimizdiń senimin joǵaltyp qana qoımaı, bizge qarsy sanktsııalyq sharalar da qabyldanar edi», - dedi Dáýren Abaev.
Onyń aıtýynsha, koronavırýs ınfektsııasyn zerthanalyq dıagnostıkalaý Ulttyq saraptama ortalyǵynda júrgiziledi.
«Laboratorııalardyń bári de Reseı men Qytaıda shyǵarylatyn test-júıelerimen qamtylǵan. Sonymen qatar barlyq synama qosymsha eki ortalyqta – Asa qaýipti ınfektsııalar boıynsha ortalyq pen saraptamanyń sanıtarlyq-epıdemıologııalyq ortalyǵynda tekseriledi. Bul tekserýdiń bári bizge Dúnıejúzilik densaýlyq saqtaý uıymy usynǵan test-júıesi arqyly júrgiziledi», - dedi Dáýren Abaev «Ashyq dıalog» baǵdarlamasynda.
Eske sala ketsek koronavırýs ınfektsııasynyń aldyn alý úshin búgin Memleket basshysy Qasym-Jomart Toqaev Naýryz merekesine arnalǵan sharalardy jáne áskerı paradty ótkizbeý jóninde tapsyrma bergen bolatyn.
