Dáýren Abaev HQKO-larda jeke málimetterdi zańsyz alý shaǵymyna jaýap berdi
Úkimet saǵytynda depýtat Snejana Imasheva Almaty turǵyny qaladaǵy HQKO-lardyń birinde óziniń jeke málimetteri bógde adamǵa berilgendigi týraly habarlaǵanyn eske saldy. Osy oraıda depýtat bolashaqta osyndaı jaǵdaıǵa jol bermes úshin vedomstvo qandaı sharalardy qabyldap jatqandyǵyn surady.
«Biz osy oraıda eki baǵytty kórip otyrmyz. Birinshiden, barynsha anyqtamalardy qysqartý eskerilgen. ıAǵnı memorgandardyń anyqtamalardy tikeleı suranym boıynsha málimetter bazasynan alýyn qarastyrýdamyz. Osy oraıda adamdardyń ersili-qarsy júrýi bolmaıdy, sebebi aqparattyq júıelerdiń birigýi mundaı múmkindikke jol ashady. Ekinshiden, biz mindetti túrde halyqtyń bul saladaǵy saýattylyǵyn arttyramyz. Sonymen qatar qazirgi kezde tutas bir algorıtmdi ázirleýdemiz. Úshinshi jaqtaǵy uıymdar belgili bir azamat boıynsha málimetti tek osy adamnyń ruqsatymen alýy turǵysynda tıisti jumystar júrgizilýde», - dep túsindirdi mınıstr.
Onyń sózine qaraǵanda, atalǵan oqıǵaǵa baılanysty týyndaǵan qoǵamdyq rezonanstan keıin mınıstrlikke 60 shaǵym kelip túsken. Onda adamdar HQKO qyzmetkerleri jeke málimetterdi ruqsatsyz alǵandyǵy týraly aryzdanǵan eken.
«Azamattar osylaı oılaǵan. ıAǵnı olar ortalyqqa kelip: «Maǵan anyqtama berińizder» dep suraıdy. Óz kezeginde HQKO qyzmetkeri onyń jeke kýáligimen salystyra otyryp, elektrondyq qoltańbasy arqyly jeke málimetterge kirip, anyqtamany alyp, tapsyrady. Osy oraıda biz teksergen barlyq jaǵdaılar rastalmady.Atap aıtqanda, adamdar osyǵan deıin ortalyqqa baryp, anyqtama alǵandary jaıynda umytyp ketkeni belgili boldy. Bul adamdar ózderi jeke kabınetterine kirip, úsh aı buryn bireýler anyqtama alǵanyn kórgenin jáne bul qujattarǵa tapsyrys bermegenderin aıtyp otyr. Alaıda beıne kameralar arqyly keıinnen bul jaǵdaılardyń shyn máninde qalaı bolǵanyn anyqtadyq. Eger de biz azamattarǵa kómek kórsetpesek, onda HQKO-larda taǵy da uzyn- sonar kezek paıda bolady. Sondyqtan azamattardyń daǵdylaryn arttyrý men barlyq aqparattyq júıelerdiń ıntegratsııasy boıynsha negizgi eki baǵytqa nazar aýdarylady»,- dep túıindedi sózin mınıstr.
