Dáýren Abaev halyq sanaǵy ne úshin qajettigin aıtty
«Álemde tsırflandyrý deńgeıi joǵary elder kóp. Biraq halyq sanaǵynyń klassıkalyq úlgisinen bas tartqandary saýsaqpen sanarlyq. Ádette ondaı elderdiń aýmaǵy men halqynyń sany shaǵyn bolyp keledi. Al Qytaı, AQSh, Reseı sıaıqty negizgi elder ár 10 jyl saıyn halyq sanaǵyn júrigizip keledi. 10 jyl merzim ulttyń demografııalyq, áleýmettik-ekonomıkalyq ózgerýin aıqyndaı alatyn kezeń bolyp sanalady. Bul óte mańyzdy másele. Bizdi ózimizdiń qansha bolǵanymyz ǵana emes, qandaı bolyp ózgergenimiz da qyzyqtyrady», - dedi Prezıdent ákimshiligi basshysynyń birinshi orynbasary.
Sondaı-aq, ol sanaq arqyly halyqtyń shynaıy kóńil-kúıi men áleýmettik jaǵdaıyn naqtyraq bilýge bolatynyn aıtady.
«Aqparattyq bazalardan sanaq suraqtarynyń bárine jaýap sýyryp alý múmkin emes. Al sanaq – barynsha naqty áleýmettaný deýge bolady. Sonyń arqasynda halyqtyń ózin qalaı sezinetinin naqty bile alamyz. Biz reformalardyń tıimdiligin, oblystaǵy, aýdandaǵy bıliktiń jumysyn baǵalaýǵa múmkindik alamyz. Sanaq kezinde epıdemıoloııalyq qaýipsizdik erejeleriniń bári saqtalatyny aıtpasa da túsinikti. Maska taǵý, ıntervıýerlerdi PTR testileý sııaqty sharalardyń bári saqtalady. Bul turǵyda alańdaıtyn másele joq», - dedi Dáýren Abaev.
