Dáýren Abaev dombyrany qaıta túletken aǵaıyndy Romanenkolar jaıly vıdeo jarııalady

NUR-SULTAN. QazAqparat – QR Aqparat jáne qoǵamdyq damý mınıstri Dáýren Abaev áleýmettik jelide Emmanýıl jáne Borıs Romanenkolar týraly vıdeomen bólisti, dep habarlaıdy QazAqparat.

«Qasıetti dombyra shanaǵynan tógilgen qońyr únge elitpeıtin, asaý kúı aǵynyn estigende kóz aldyna jazıra dala elestep, at tuıaǵynyń dúbirin sezinbeıtin qazaq kemde-kem bolar. Biraq, bizge úırenshikti dombyranyń osy kelbeti men úni buryn basqasha bolǵanyn jáne ótken ǵasyrda úlken ózgeristen ótkenin bilemiz be? Ol reformany ataqty sheberler Emmanýıl jáne Borıs Romanenkolar jasaǵan. «Biz birgemiz!» toptamasynyń kezekti beınerolıginde aǵaıyndy Romanenkolardyń qazaqtyń qasıetti qara dombyrasyn qaıta túletip, jasalý ádisin zaman talabyna saı jańǵyrtýy týraly baıandalady», - dedi Abaev.

Buǵan deıin, QR Aqparat jáne qoǵamdyq damý mınıstri Dáýren Abaev «Biz birgemiz!» beınerolıkter toptamasyn jarııalaǵan bolatyn.