Dáýren Abaev: Bıylǵy ál-Farabı men Abaı mereıtoıy rámizdik meıram sanalady
«Bıyl ultymyzdyń aqyl-oıy men abyroıyna aınalǵan birtýar tulǵalarymyzdyń mereıtoıyn jáne memlekettilik bastaýynyń aıryqsha kezeńin joǵary deńgeıde atap óttik. Biz úshin Ábý Nasyr ál-Farabıdiń 1150 jyldyq, Abaıdyń 175 jyldyq mereıtoılary jáne «Ulyq Ulys» – Altyn Ordanyń 750 jyldyǵy rámizdik meıram sanalady» delingen QR Prezıdenti ákimshiligi basshysynyń birinshi orynbasary Dáýren Abaevtyń quttyqtaý hatynda.
Sondaı-aq, ol tarıhymyz ben ádebıetimizge tyń kózqaraspen qaraý jáne ony urpaqqa jetkizý - basty mindetimizdiń biri ekenin aıtty.
«Bul rette Qazaqstan Ulttyq tarıhshylar kongresiniń búgingi sharasy tarıhı jyldyń taǵylymyn jańasha baǵalaýǵa úles qosary anyq. Sizderdiń tarıh ǵylymynyń jańashyl ádistemesi týraly pikirlerińiz qoǵamdyq sanany qalyptastyryp, tulǵataný salasyndaǵy ǵylymı zertteýlerdiń tıimdiligin arttyrý úshin asa mańyzdy. Kongress usynatyn ustanymdar men tujyrymdar tyń zertteýlerge muryndyq bolyp, halqymyzdyń rýhanı murasyn tolyqtyrýǵa yqpal eteri sózsiz. Kongreske qatysýshylarǵa jemisti eńbek tileımin», - deıdi ol.
