Dáýren Abaev Berdibek Saparbaevtyń sógis alýyna qatysty pikir bildirdi
Formaldy turǵydan alsaq, sheneýnikti jańa qyzmetke taǵaıyndaý boıynsha eshqandaı problema bolmaǵan shyǵar. Bári zań nusqaǵan jolmen istelgen de bolýy kerek. Biraq memlekettik qyzmet qurǵaq zańǵa ǵana negizdelmeıdi. Sonymen qatar etıka, qoǵamǵa qyzmet etý de onyń mindetine kiredi. Men qazir qatelesýim múmkin. Esimde bolsa, Qazaqstanda 100 myńǵa jýyq memlekettik qyzmetshi bar. Onyń bárin Prezıdent qyzmetten bosatyp jatqan joq qoı, oǵan kelisetin shyǵarsyz. Bul erekshe jaǵdaı», - dep túsindirdi Dáýren Abaev.
Onyń paıymynsha, Prezıdent qabyldaǵan bul sheshimniń resmı jaǵynan bólek, sımvoldyq máni bar.
«Bul – bılik pen qoǵamnyń óreskel ister boıynsha yntymaqtasta bola alatynynyń kórinisi. Muny árbir ákim, árbir mınıstr túsinýi tıis. Bul jumystan bosatylǵan sheneýnik jaman basqarma bastyǵy bolar edi degen sóz emes. Joq. Bul jerde bıliktiń bedeli, bılik pen qoǵamdyq senim týraly aıtylyp otyrsa kerek. Senim bolmasa, bıliktiń jumysy da múmkin emes. Memlekettik apparattyń muny estýi mańyzdy dep oılaımyn» - dep atap ótti Dáýren Abaev.