Dáýren Abaev Belarýs Joǵary tehnologııalar parkiniń dırektorymen kezdesti

ASTANA. QazAqparat - Mınskide QR Aqparat jáne kommýnıkatsııalar mınıstri Dáýren Abaev Belarýs eliniń Joǵary tehnologııalar parkiniń dırektory Vsevolod ıAnchevskıımen ekijaqty kezdesý ótkizdi, dep habarlaıdy vedomstvonyń baspasóz qyzmeti.

Kezdesýde taraptar startap ekojúıeleriniń damýyna jáne eki eldiń venchýrlyq qarjylandyrý ınstıtýttaryna qatysty máselelerdi talqylady.  Sonymen qatar, tsıfrlyq ekonomıka boıynsha komıssııa qurý da josparlandy. Komıssııa Qazaqstan-Belarýs saýda-ekonomıkalyq yntymaqtastyǵy boıynsha úkimetaralyq komıssııa aıasynda qurylady.

Sondaı-aq, kezdesýde talqylanǵan ózekti máselelerdiń biri - blokcheın tehnologııalaryn qoldaný men onyń quqyqtyq rettelýi boldy.

Kezdesý sońynda taraptar, joǵary tehnologııalar salasynda ekijaqty yntymaqtastyq jaıly kelisimge qol qoıdy.