Dáýren Abaev BAQ týraly zańnamaǵa ózgerister týraly pikir bildirdi
ALMATY. QazAqparat - QR Aqparat jáne kommýnıkatsııalar mınıstri Dáýren Abaev «Medıaquryltaı-2017» jıyny barysynda QR BAQ týraly zańnamasyna ózgerister týraly pikir bildirdi, dep habarlaıdy QazAqparat tilshisi.
Mınıstr BAQ saýalyna jaýap berýdiń merzimi nege uzartylǵanyn túsindirdi.
Aıta ketý kerek, zań jobasy medıa qaýymdastyq arasynda qyzý talqylanyp jatyr.
«Biz 250 jýyq túzetý qabyldadyq. Onyń ishinde 7 túzetý jýrnalısterdiń alańdaýshylyǵyn týdyryp otyr. Basqa normalar BAQ, kommýnıkatsııany damytýǵa baǵyttalǵan. Ózgertýler 4 kodeks pen 12 zańǵa qatysty. Alaıda bul tek BAQ týraly zań ǵana ózgeredi degen sóz emes. Bizge tujyrymdy zań kerek. Ony jazýǵa 3 jyl ketedi. Ol qabyldanǵansha jýrnalısterdiń jumysyna kedergi keltiretin nərseler bar. Biz sol kedergilerdi joıýymyz kerek», - dedi Dáýren Abaev.
Mınıstr jınalǵandarǵa saýalǵa jaýap berý merzimi nege uzartylǵanyn túsindirdi.
Túzetýlerge səıkes resmı saýalǵa jaýap úshin memlekettik organdar 15 kún ishinde jaýap berýine bolady.
Al resmı aıtylǵan məlimdemege qatysty túsinikteme 2 kúnniń ishinde daıyn bolýy tıis.
"Sońǵy 2-3 jylda mınıstrlikke túsetin saýaldardyń sany 75% artty. Bul óte kóp. Ol úshin mınıstrlik qyzmetkerleri təýlik boıy BAQ suraqtaryna jaýap berýmen aınalysýy kerek. QR BǴM, Bas prokýratýranyń tutas departamentteri BAQ saýalyna jaýap berýmen ǵana aınalysady. Saýal kóp, qyzmetkerler sany sol qalpy. Al saýal merzimin uzartý arqyly formaldy emes tolyq jaýap alýǵa bolady",- dedi mınıstr.
Onyń aıtýynsha, qazirgi tańda BAQ saýalyna jaýap bermegen memorgan sot arqyly jazalanady.
Endi saýalǵa jaýap berý merziminiń uzartylýyna baılanysty merziminde jaýap bermegen tulǵalardy jazaǵa tartý qarastyrylýda.
"Zańǵa túzetýler jan-jaqty qarastyrylyp jatyr. Memlekettik organdar, ÚEU birigip talqylap jatyr. Bolashaqta jumystyń tıimdiligine qaraı bonýs tólemin qarastyrýymyz múmkin. Qazir depýtattar 15 kúnniń ornyna 7 jumys kúnin belgileýdi usynyp otyr»,- dedi Mınıstr.
Onyń aıtýynsha shetelde BAQ saýalyna jaýap berý merzimi uzaq.
"AQSh-ta 20 kún, Germanııada -15, Shvetsııada -30, EYDU elderinde BAQ saýalyna jaýap berý múlde qarastyrylmaǵan. Sapaly jaýap berý úshin ýaqyt kerek. Əıtpese qaǵaz júzindegi jaýaptar kóbeıe beredi",- dedi ol.
