Dáýren Abaev azamattyq avıatsııa máselelerin nazarǵa alýǵa ýáde berdi

ASTANA. QazAqparat - Ushyrylym qaýipsizdigi aptanyń negizgi taqyryptarynyń biri boldy. Sondyqtan Aqparat jáne kommýnıkatsııa mınıstri Dáýren Abaev Habar arnasynda «Ashyq dıalog» jobasy aıasynda azamattyq avıatsııada jıi kezdesetin oqıǵalar jaıly egjeı-tegjeıli túsinik berdi.

«Bizdiń azamattyq avıatsııaǵa degen azamattardyń qyzyǵýshylyǵy óte túsinikti, sebebi másele qaýipsizdik jaıynda. Qazir qyzmettik tergeý júrip jatyr. Onyń nátıjesi boıynsha buqaralyq aqparat quraldaryna naqty aqparat beriletin bolady. Qazirdiń ózinde ushý ekıpajy qatań túrde nusqaýlyqpen áreket etip, jolaýshylar úshin qaýipti azaıtqany belgili», - dep atap ótti D. Abaev.

Vedomstvo basshysy áńgime júıelik aqaýda dep sanamaıdy, óıtkeni barlyq úsh ushaq  túrli úlgide.

«Memleket halyqaralyq avıajelilerde de, azamattyq jelilerde de qaýipsizdikke basa  nazar aýdarady. Azamattyq avıatsııada ushyrylym qaýipsizdiginiń tutas baǵdarlamasy bar. Úkimet pen Azamattyq avıatsııa komıteti IKAO-men tyǵyz jumys isteýde. Qazaqstan bul uıymnyń barlyq qajetti nusqaýlyqtary men qajetti nusqamalaryn oryndaýda», - dedi mınıstr.

Dáýren Abaev azamattyq avıatsııa máselelerin aqparattyq jarııalaýǵa baılanysty máselelerdi basty nazarǵa alýǵa ýáde berdi.