Dáýren Abaev: Astana Hub maqsaty - ІT-kompanııalar kapıtalyn 1 mlrd dollarǵa jetkizý

ASTANA. QazAqparat - Astana Hub Halyqaralyq ІT-startaptar tehnoparkiniń negizgi maqsaty - 2025 jylǵa qaraı jergilikti ІT-kompanııalardyń kapıtalyn 1 mlrd AQSh dollaryna jetkizý. Bul týraly búgin atalǵan tehnoparktiń «Garage» startap-jobalary tegin baǵdarlamalar ınkýbatsııasynyń iske qosylýyna arnalǵan sharada QR Aqparat jáne kommýnıkatsııalar mınıstri Dáýren Abaev aıtty, dep habarlaıdy QazAqparat.

«Memleket basshysynyń tapsyrmasyna saı «Tsıfrlyq Qazaqstan» memlekettik baǵdarlamasynyń jan-jaqty júzege asyrylyp jatqanyn ózderińiz jaqsy bilesizder. Sondyqtan tehnopark daryndy ІT-mamandar úshin jańa tehnologııalyq bastamalar alańyna aınalaryna senimdimiz. Sonymen qatar bul alań ulttyq ınnovatsııalyq ekojúıeniń ózegi bolýy tıis. Tehnoparkke otandyq jáne shet memleketterden startaptardy tarta otyryp, tsıfrlyq ekonomıkany qoldaý úshin barlyq jaǵdaıdy jasaýǵa tyrysamyz. Astana Hub-tyń negizgi maqsaty - 2025 jylǵa qaraı jergilikti ІT-kompanııalardyń kapıtalyn 1 mlrd AQSh dollaryna jetkizý. Búgin osy akseleratsııa baǵdarlamasyn ashý arqyly asa aýqymdy bolmasa da óte mańyzdy qadam jasap otyrmyz», - dedi Dáýren Abaev.

Mınıstrdiń atap ótýinshe, Astana Hub tehnoparkiniń resmı ashylýy osy jyldyń ishinde josparlanǵan. Al búgingi shara sol úlken baǵyttaǵy shaǵyn qadam desek bolady.

«Búgin akseleratsııalyq baǵdarlamany ashpaqpyz jáne munyń elordamyzdyń 20 jyldyǵy aıasynda ótýiniń nyshandyq máni bar. Barlyǵymyz da Kremnıı alqaby  jaıynda, ózge memleketterdegi keremet tájirıbeler jaıynda aıtyp jatamyz. Ony moıyndaımyz da. 20 jyldyń ishinde elordamyzdy saldyq. Elimizdiń tarıhynda qalatyn EKSPO-2017 kórmesin ótkizdik. Mundaı deńgeıdegi shara Astanaǵa endi 40-50 jyldan keıin ǵana buıyrady», - dedi mınıstr.