Dáýren Abaev: Astana Hub - tsıfrly tehnologııalar ǵasyryndaǵy ýaqyttyń ámiri
«Astana Hub» jumysyn bastaýda Baqytjan Ábdiruly (Saǵyntaev - avt.) da, Asqar Qýanyshuly (Jumaǵalıev - avt.) da óte qarqyndy jumys júrgizdi. Sonymen birge, bul rette Qazaqstandaǵy ІT-qaýymdastyqtardyń da rólin esten shyǵarmaý kerek. Oılap qarasaq, hab jumysynyń iske qosylýy - memleket pen ІT-salanyń kúshti birlestire atqarǵan jumysynyń nátıjesi bolǵany anyq. Ózderińiz biletindeı, Prezıdent tehnoparktiń iske qosylýyna ózi qatysyp, usynylǵan tyń tehnologııalarmen tanysyp, bárimiz atqarǵan jumysqa jaqsy baǵa berdi», - dedi Dáýren Abaev.
Mınıstr óz sózinde atap ótkendeı, qarapaıym tilmen aıtqanda «Astana Hub» degenimiz - otandyq startap ındýstrııasynyń damý ortalyǵy. Ol joǵary tehnologııaly jobalardy qoldaýdy maqsat tutady. Sonymen birge, Dáýren Abaevtyń aıtýyna qaraǵanda, «Astana Hub» - búkil álemniń qatysýshylaryna ashyq. Ol úshin barlyq quqyqtyq sharttar jasalǵan.
«Árıne, «Kremnııli ańǵar» (quramyna Apple, Facebook jáne Google kiretin AQSh-taǵy áıgili korporatsııalar men kompanııalardyń shtab-páteri ornalasqan jer) deńgeıine jaqyndaý úshin úlken kúsh-jiger, talmas eńbek pen aýqymdy ınvestıtsııa kerek. Biraq, mundaǵy oı men kontsept birdeı. Tsıfrly tehnologııalar ǵasyrynda osyndaı ortalyqtardy qurýdyń ózi - ýaqyttyń ámiri ekenin túsiný kerek. Biz tehnologııalyq damý dańǵylynan shań qaýyp qala almaımyz. Bizde barlyq jaǵdaı: daryndy jastar, jobalarǵa salym salýǵa daıyn ınvestorlar, óz tájirıbesimen bólisýge daıyn mamandar - bári bar. Memleket tek ınfraqurylym ázirlep berýdi, bárin bir jerge toǵystyrýdy, quqyqtyq múmkindikterdi qurýdy ózine aldy. Mine, osy jumystardy atqardyq», - dedi ol.
Mınıstrdiń aıtýynsha, EKSPO-nyń murasy bolmaǵanda, aıtylǵan ınfraqurylymdy Qazaqstan tez arada sala almas edi.
Eske sala ketsek, osydan eki kún buryn Elbasy Nursultan Nazarbaevtyń qatysýymen «Astana Hub» halyqaralyq ІT-startaptar tehnoparkiniń jumysy resmı túrde iske qosylǵan bolatyn.
