Dáýren Abaev: Adamdar jalǵan aqparatty ajyrata bilýi kerek

NUR-SULTAN. QazAqparat - QR Aqparat jáne qoǵamdyq damý mınıstri Dáýren Abaev jalǵan aqparatty ajyrata bilýge qatysty pikir bildirdi, dep habarlaıdy QazAqparat tilshisi.

Jalǵan aqparatty qamtıtyn rolıkter kóptep kezdesetine toqtalǵan mınıstr, osy oraıda árbir adam bul málimetterdi ajyrata bilýi kerektigin jetkizdi.

«Bul baǵyttaǵy jumystar jetildirilip jatyr. Alaıda jalǵan aqparattardy da jetildirý deńgeıi baıqalady», - dedi Dáýren Abaev Ortalyq kommýnıkatsııalar qyzmetindegi baspasóz máslıhatynda.

Mınıstrdiń atap ótýinshe, jalǵan aqparattardy anyqtaýda Aqparat jáne qoǵamdyq damý mınıstrliginiń jalǵyz kúsh-jigeri jetkiliksiz.

«Balany tárbıeleýde (balanyń damýyna zııan keltiretin málimetterge tosqaýyl boıynsha) ata-ananyń da kúsh-jegeri kerek. ıAǵnı, balalar neni kórip jatqanyn nemen aınalysyp jatqanyn qaraý qajet. Bilim jáne ǵylym nemese Aqparat jáne qoǵamdyq damý mınıstrlikteri osynyń barlyǵyn qadaǵalaı almaıdy. Bul baǵyttaǵy sharalardy ata-analar da nazarda ustaýy kerek», - dedi mınıstr.