Dáýren Abaev: 25 qazan - Respýblıka kúni qazaqstandyqtar demalatyn ulttyq mereke bolady

NUR-SULTAN. QazAqparat – QR Mádenıet jáne sport mınıstri Dáýren Abaev 25 qazannyń Respýblıka kúni bolyp qaıta oralýy kúntizbege qandaı ózgeris ákeletinin aıtty, dep habarlaıdy QazAqparat tilshisi.

«Endi 25 qazanda merekelik sharalar kóbirek ótkiziledi. Al 16 jeltoqsan - 1986 jylǵy Jeltoqsan oqıǵalaryn eske alatyn kún bolatyn shyǵar. Aldaǵy ýaqytta sizderge bul aıtýly kúnder qalaı ózgeretini, merekeleý tujyrymdamasy týraly aqparat usynamyz dep oılaımyn», - dedi mınıstr Májilis kýlýarynda.

Onyń aıtýyna qaraǵanda Respýblıka kúni kúntizbege qyzyl data bolyp enýi múmkin.

«Biz tujyrymdama ázirleımiz. Bul másele kimniń quzyrynda bolatynyn qaraımyz, usynamyz. Eger zań qabyldansa, Senattan ótip, Prezıdent qol qoısa, bul kúni demalys bolady. ıAǵnı, ulttyq mereke mártebesin alady. Sondyqtan demalatyn kún bolady. Bıyl osynyń bárin úlgeretin shyǵarmyz», - dedi Dáýren Abaev.