Dáýren Abaev 2018 jyly jetistikke jetken qazaqstandyqtardy atady
ASTANA. QazAqparat - Aqparat jáne kommýnıkatsııalar mınıstri Dáýren Abaev «2018 jyly erekshelengen qandaı qarapaıym qazaqstandyqtardyń aıryqsha jetistikterin atap óter edińiz?» degen suraqqa jaýap berdi, dep habarlaıdy QazAqparat tilshisi.
«Álem úshin Qazaqstan bıyl jańa esimderdi tanyta bildi. Jańa jetistikterdi baǵyndyrǵan, álbette, eń aldymen Dımash Qudaıbergendi atap ótý kerek. Sonymen birge, Kann festıvalinde «Eń úzdik aktrısa» atanǵan Samal Eslıamova da kópti moıyndatty. Danıelıa Tóleshova «Balalar Eýrovıjnde» qurmetti oryndy ıelendi. Máselen, shahmatshy qyzdarymyz Dınara Sádýaqasova men Jansaıa Ábdimálikova álemniń eń úzdik 20 shahmatshylarynyń qataryna endi. Mundaı jetistikter eshqashan bolmaǵanyn da aıta ketý kerek», - dedi Dáýren Abaev «Habar» arnasyndaǵy «Ashyq dıalog» baǵdarlamasynda.
Mınıstrdiń aıtýynsha, álemdik dárejedegi sport shyńdaryn ıÝlııa Galysheva baǵyndyrǵan. Jazǵy Azııa oıyndarynda da sportshylarymyzdyń jetistigi jeterlik.
«Astana» fýtbolshylary da eýrokýbokta sátti óner kórsetti. «Barys» hokkeıshiler de jeńisterimen qýantyp jatyr. Qýanyshty sátterdi bizge óner men sport ókilderi ǵana emes, qarapaıym qazaqstandyqtar da syılaǵanyn erekshe atap ótkim keledi. Bir mysal keltireıin: meni ásirese almatylyq Ravıl Seıfýllınniń ómir joly erekshe tebirentti. Ol on jyl boıy jelilik operator bolyp eńbek etip, kompıýterlerdi jóndeý jumystarymen aınalysqan. Al búgingi tańda ol buzylyp qalǵan kompıýterlerdi jóndep, kómekke muqtaj balalardyń otbasylaryna taratady. On aıdyń ishinde ol múmkindigi shekteýli balalarǵa, onkologııaǵa shaldyqqan balalar men jetimderge 70-ke tarta noýtbýk pen kompıýter tabys etken. ıAǵnı, ol óz isimen 70-ke tarta balaǵa qýanysh syılap otyr. Osyndaı jaǵdaılar tebirente otyryp, jaqsylyqqa senýge úndeıdi», - deıdi Dáýren Abaev.
