Daýly teń nátıjege Berd emes, basqa tóreshi kináli - Golovkınniń bapkeri

ASTANA. QazAqparat - Bapker Abel Sanches Gennadıı Golovkın men Saýl Alvarestiń 2017 jylǵy 16 qyrkúıektegi jekpe-jegi daýly teń nátıjemen aıaqtalýyna kim sebepshi bolǵanyn aıtty, dep jazady Sports.kz.

«Biz 8-4 esebimen jeńiske jettik dep oılaımyn. Men osy daýdyń týyndaý sebebin jaqsy túsinemin. Adelaıda Berd shekten shyǵyp ketti, biraq, menińshe, bizge eń kóp zııan keltirgen Don Trella boldy. Ol Golovkınniń eń úzdik raýndy bolǵan segizinshi raýndty «Kaneloǵa» bere saldy. Teń nátıjege sebep bolǵan - osy. Eger Trella osy raýndty bergende Golovkın jeńetin edi. Biraq men báribir Golovkın jeńdi dep sanaımyn», - deıdi ol Yahoo! Sports basylymyna bergen suhbatynda.