Dáýlet Turlyhanovtyń taǵy bir ulyna qatysty daý shyqty: Depýtat ne deıdi

ASTANA. QazAqparat – Áleýmettik jelide jigit pen qyzdyń arasyndaǵy janjalǵa baılanysty vıdeo tarady. Vıdeo avtory bul oqıǵa Májilis depýtaty Dáýlet Turlyhanovtyń ortanshy ulyna qatysty ekenin aıtady. Osy oraıda tilshiler oqıǵaǵa qatysty depýtattyń pikirin surady, dep habarlaıdy QazAqparat tilshisi.

«Jastar ózderi sheshedi. Bir-birin jaqsy kóretin bolar», - dedi D. Turlyhanov Parlament Májilisiniń jalpy otyrysynan keıin tilshiler suraǵyna jaýap bere otyryp.

Bul turǵyda depýtat osy oqıǵa jaıynda estimegenin jáne ulymen sóılesetinin aıtty.

«Olar er jetken balalar. Sondyqtan ózderiniń máselesin sheshedi dep sanaımyn. Bul derekti sizderden estip otyrmyn jáne men úshin jaǵymsyz jańalyq bolyp tur», - dedi D. Turlyhanov.

Buǵan deıin jýrnalıst Mıhaıl Kozachkovtyń Telegram-kanalynda jigit pen qyzdyń arasyndaǵy janjalǵa qatysty vıdeo jarııalanǵan bolatyn.