Dáýlet Turlyhanov: «Jańa Qazaqstan» elge kelgen jańa lep dep túsinemiz
Spıkerdiń aıtýynsha, Prezıdenttiń kezekti Joldaýynda halyq kútkendeı oń ózgerister men jańa lep sezildi.
«Joldaýda «Jańa Qazaqstannyń» jarqyn bolashaǵyna jol ashatyn ózekti máseleler qamtyldy. ıAǵnı, Memleket basshysy Qazaqstannyń barlyq azamattary úshin teń múmkindikterdiń myzǵymas kepili bolý kerektigin, parlament rólin arttyryp, memleketimizdiń ınstıtýtsıonaldyq tuǵyryn nyǵaıtýdy, partııalardyń tirkeý rásimderin jeńildetý, saılaý júıesin jetildirý jáne úrdisin jańartý, quqyq qorǵaý konstıtýtsııasyn kúsheıtý, sonymen qatar jańa oblystar qurý, onyń ishinde Abaı, Jetisý, Ulytaý oblystary boı kóteretini, Konstıtýtsııanyń 30-dan astam babyna ózgerister engizý týraly aýqymdy máseleler aıtyldy. Sondaı-aq, halqymyzdyń tutastyǵy men birligin saqtaý, elimizdiń kórkeıip, órkendeýi úshin qoǵamnyń barlyq salasynda júrgiziletin reformalary aıqyn aıtylǵan. Qazaqstannyń birligin oılaǵan Prezıdentimizdiń el bolashaǵy úshin alǵa qoıǵan maqsattaryn oryndaıtynyna senimdimin»,- dedi Dáýlet Turlyhanov.
Sonymen qatar ol el birligine syzat túsirmeı, halyqtyń amandyǵy úshin batyl sheshim qabyldaı biletin Prezıdent Qasym-Jomart Toqaevty árkez qoldaıtynyn jetkizdi.
«Onyń jasampaz bastamalary men eldiń kóńilinen shyǵatyn sheshimderi barshamyzǵa rýh berip, qanaǵattandyrady. Bizder, qazaqstandyqtar, «Jańa Qazaqstan» elge kelgen jańa lep dep túsinemiz»,- dedi ol.
