Dáýlet Turlyhanov Azııa kúres keńesiniń prezıdenti bolyp saılandy
Saılaýǵa 14 úmitker qatysqan. Nátıjesinde qazaqtyń dańyqty balýany eń kóp daýys jınap, Azııa kúres keńesiniń prezıdenti bolyp saılandy.
Aıta keteıik, Dáýlet Turlyhanov búgingi tańda Qazaqstannyń grek-rım, erkin jáne áıelder kúres federatsııasynyń vıtse-prezıdenti qyzmetin atqaryp keledi.
Esterińizge sala keteıik, Dáýlet Bolatuly Turlyhanov 1963 jyly 18 qarashada Shyǵys Qazaqstan oblysynyń Jarma aýdanynda dúnıege kelgen. Grek-rım kúresinen eńbek sińirgen sport sheberi, Qazaqstannyń eńbek sińirgen qaıratkeri, Qazaqstan jáne Qyrǵyzstan Respýblıkalarynyń eńbek sińirgen jattyqtyrýshysy.
Qazaqstannyń jáne halyqaralyq týrnırlerdiń jeńimpazy, KSRO-nyń jeti dúrkin chempıony, KSRO halyqtary spartakıadasynyń kúmis júldegeri, jáne jeńimpazy, Eýropa chempıony, Álem chempıony jáne kúmis júldegeri, qola júldegeri, Álem kýbogynyń eki márte jeńimpazy, 12-shi Azııa oıyndarynyń jeńimpazy, Azııanyń eki dúrkin chempıony, 24-25-shi Olımpıadalyq oıyndarynyń kúmis, qola júldegeri bolǵan. 1995-1999 jyldary eki márte Qazaqstan Respýblıkasy Parlamenti Májilisiniń depýtaty bolyp saılanǵan. 2000-2006 jyldary Týrızm jáne sport agenttiginiń tóraǵasy, Mádenıet, aqparat jáne sport mınıstrligi Sport komıtetiniń tóraǵasy qyzmetterin atqarǵan.
