Dáýlet Turlyhanovtyń ulyna qatysty qylmystyq isti apellıatsııalyq tekserý bastaldy

Elimizdiń Áskerı sotynda Dáýlet Turlyhanovtyń uly Nurasyl Bolatqa qatysty qylmystyq isti apellıatsııalyq tekserý bastaldy, dep habarlaıdy Kazinform.

«Búgin QR Áskerı sotynda buzaqylyq nıetpen eki adamnyń densaýlyǵyna qasaqana ortasha aýyrlyqtaǵy zııan keltirgen áskerı qyzmetshi B-ǵa qatysty qylmystyq isti apellıatsııalyq tekserý bastaldy. Buǵan deıin birinshi satyda áskerı qyzmetshi B-ǵa 500 AEK – 1 7125 000 teńge mólsherinde aıyppul salynǵan bolatyn. Zardap shegýshilerdiń paıdasyna 1 mln teńge mólsherinde moraldyq ótemaqy óndirip alyndy. Іs sotqa zardap shegýshilerdiń (bas bostandyǵynan aıyrýdy suraıdy) jáne prokýrordyń (aqshalaı aıyppuldy bas bostandyǵyna aıyr jazasyna aýystyrýdy suraıdy), sottalýshynyń advokatynyń (aqtaýdy suraıdy) apellıatsııalyq shaǵymdaryna baılanysty tústi», - delingen Áskerı sot taratqan aqparatta.

Eske sala keteıik, bıyl aqpanda N.Bolat Almatyda zańger Anna Dmıtrıevıch pen onyń kúıeýi Oleg Chernovty soqqyǵa jyqqan edi.

Osy jyldyń qazanynda Almaty qalalyq áskerı soty úkimimen Nurasyl Bolat QK 107-babynyń 2-bóligi 1 jáne 5-tarmaqtarynda kózdelgen qylmys jasaǵany úshin kináli dep tanylyp, oǵan jaza túrinde 1 mln 700 myń teńge aıyppul taǵaıyndalǵan bolatyn.