Dáýlet Turlyhanovtyń uly bostandyqqa shyqty - QAJK

ALMATY. KAZINFORM – Depýtat Dáýlet Turlyhanovtyń uly Nurasyl Bolat bostandyqqa shyqty.

Bul týraly Qylmystyq-atqarý júıesi komıtetiniń baspasóz qyzmeti habarlady.

- Sottalýshy sot taǵaıyndaǵan jaza merzimin tolyq óteýine baılanysty bosatyldy, - dep habarlady QAJK.

Eske salaıyq, 2023 jyly aqpanda Nurasyl Bolat Almatyda zańger Anna Dmıtrıevıch pen onyń kúıeýi Oleg Chernovty soqqyǵa jyqqan edi.

2023 jyldyń 9 qazanynda Almaty qalalyq áskerı sotynda Nurasyl Bolatqa qatysty sot úkimi shyqty.

Sot úkimimen ol QK 107-babynyń 2-bóligi 1 jáne 5-tarmaqtarynda kózdelgen qylmys jasaǵany úshin kináli dep tanylyp, oǵan jaza túrinde 1 mln 700 myń teńge aıyppul taǵaıyndaldy.

Keıin áleýmettik jelide Nurasyl Bolattyń túngi ýaqytta emin-erkin júrgen vıdeosy tarady. Osyǵan baılanysty Medeý aýdanynyń № 2 aýdandyq soty probatsııa qyzmetiniń Nurasyl Bolatqa qatysty jazany — bas bostandyǵyn shekteýdi odan aıyrýmen aýystyrý týraly ótinishhatyn negiz dep tanyp, ony 1 jyl 5 aı 10 kúnge bas bostandyǵynan aıyrdy.