Dáýlet Turlyhanov Azııa kúres federatsııasy basshylyǵynan ketti

ASTANA. KAZINFORM - Belgili sportshy, Májilis depýtaty Dáýlet Turlyhanov Azııa kúres federatsııasy (UWW Azia) prezıdenttiginen ketti.

Iordanııa astanasy Amman qalasynda ótken federatsııanyń bas assambleıasynda atalǵan qyzmetke jańa basshy taǵaıyndaldy. Endi bul mindetti ıordanııalyq Mohammed Ál-Avamala atqaratyn boldy. Ol 38 daýystyń 34-in jınady. Endi ıordanııalyq maman bul uıymdy 2028 jylǵa deıin basqarady.

Dáýlet Turlyhanov atalǵan qyzmetti 2017 jyldyń mamyrynan atqaryp keldi.

Iordanııa astanasy Amman qalasynda ótetin kúres túrlerinen Azııa chempıonatyna qatysatyn Qazaqstan quramasy belgili boldy.

Eske salsaq, 25-30 naýryz aralyǵynda ótetin Azııa chempıonatynda el quramasy erkin, grek-rım jáne áıelder kúresinen synǵa túsedi.