Dáýlet Turlyhanov Qazaqstan kúres federatsııasynyń atqaryp jatqan jumysy týraly baıandady

ASTANA. KAZINFORM – Astanadaǵy “Qazaqstan” jeńil atletıka kesheniniń baspasóz ortalyǵynda Respýblıkalyq «Grek-rım, erkin jáne áıelder kúresi federatsııasy» respýblıkalyq qoǵamdyq birlestiginiń aǵymdaǵy qyzmetine qatysty ózekti máselelerge arnalǵan baspasóz máslıhaty ótti.

Brıfıngke Qazaqstan kúres federatsııasynyń prezıdenti Dáýlet Turlyhanov, federatsııa bas hatshysy Dımash Sultanov, Grek-rım kúresi boıynsha bas jattyqtyrýshy ıÝrıı Melnıchenko, Erkin kúres boıynsha bas jattyqtyrýshy Madıar Quramysov, Áıelder kúresi boıynsha bas jattyqtyrýshy Qaırat Saǵadıev jáne quramalardyń aǵa jattyqtyrýshylary qatysty.

Dáýlet Turlyhanov federatsııasynyń atqaryp jatqan jumystary men aldaǵy josparlary týraly keńinen baıandap, Qazaqstan quramasy sportshylarynyń jetistikteri men daıyndyǵyna toqtaldy.

Sondaı aq, ulttyq quramalar bas jattyqtyrýshylary Parıj olımpıadasyndaǵy sátsizdikterdi qortyndylap, alda ótetin 23 jasqa deıingi jáne eresekter arasyndaǵy álem chempıonatyna daıyndyq týraly baıandady.

Buǵan deıin habarlaǵanymyzdaı, 28-31 qazan kúnderi Albanııanyń Tırana qalasynda ótetin olımpıadalyq emes salmaqtardaǵy álem chempıonatyna qatysatyn Qazaqstan quramasy sportshylary anyqtaldy.

Sonymen qatar, Albanııadaǵy álem chempıonatyna erkin, grek-rım jáne áıelder kúresinen 23 jasqa deıingi Qazaqstan komandasy tolyq quramda qatysady.