Dáýlet Nııazbekov erkin kúresten Qazaqstan jastar quramasynyń tizginin ustady
ASTANA. KAZINFORM - Erkin kúresten Qazaqstan 20 jasqa deıingi jastar quramasynyń aǵa bapkeri qyzmetine Dáýlet Nııazbekov taǵaıyndaldy.
Bul jóninde elimizdiń kúres federatsııasy málim etti.
Dáýlet Shorauly – erkin kúresten Qazaqstan Respýblıkasynyń eńbek sińirgen sport sheberi, halyqaralyq dárejedegi tájirıbeli sportshy. Ol uzaq jyldar boıy el namysyn abyroımen qorǵap, Olımpıada oıyndaryna (London-2012, Tokıo-2020) qatysqan. Álem chempıonatynyń kúmis jáne qola júldegeri, Azııa chempıony.
Dáýlet Nııazbekov bozkilemde balýandyqpen qatar bapkerlikti alyp júrgen edi. Bapkerlik qyzmette 13 jyldan astam tájirıbe jınaqtaǵan maman ár jyldary balalar-jasóspirimder sport mektepterinde, ulttyq quramada, kúres túrleri boıynsha olımpıadalyq daıarlaý ortalyǵynda jumys atqarǵan.
Eske salsaq, budan buryn Danııar Qaısanov erkin kúresten Qazaqstan quramasynyń bas bapkeri bolyp taǵaıyndaldy.