Dáýlet Ergesh erkin kúresten álem chempıonatynda kúmis jeńip aldy

ASTANA. QazAqparat - Dáýlet Ergesh 23 jasqa deıingi sanatta erkin kúresten álem chempıonatynyń kúmis júldegeri atandy, dep habarlaıdy QazAqparat «Sport Shredıngera» Telegram-kanalyna silteme jasap.

Aqtyq synda 79 kelige deıingi salmaqta qazaqstandyq grýzın balýany Vladımır Gamkrelıdzeden 3:5 esebimen jeńilip qaldy.

Ergesh jartylaı fınalda amerıkalyq sportshy Karter Starochchıdi 8-7 esebimen jeńdi.

Buǵan deıin grek-rım stılindegi qazaqstandyq balýan Oljas Sultan 60 kelige deıingi salmaq dárejesinde álemdik birinshiliktiń qola medalin jeńip alǵan bolatyn.

Jastar arasyndaǵy álem chempıonaty Ispanııanyń Pontevedra qalasynda ótip jatyr.