Dáýlet Dáýkenov te ózbekstandyq qarsylasyn qapy qaldyrdy

NUR-SULTAN. QazAqparat – Elordanyń Jaqsylyq Úshkempirov atyndaǵy «Jekpe-jek» saraıynda Táýelsizdiktiń 30 jyldyǵyna oraı ótip jatqan kásipqoı boks keshiniń taǵy bir jekpe-jeginde Qazaqstan boksshysy ózbekstandyq qarsylasyn jeńdi, dep habarlaıdy QazAqparat tilshisi.

Ózbekstandyq Eldorbek Saıdov pen qazaqstandyq Dáýlet Dáýkenov te 63,5 keli salmaq dárejesinde synǵa tústi.

Qos qarsylas ta 6 raýnd boıynda asqan saqtyqpen judyryqtasty. Saıys qorytyndysy boıynsha Qazaqstan boksshysy 79:73, 80:72, 80:73 esebimen jeńimpaz dep tanyldy.

«Erteń meni toǵyz aı qursaǵynda kótergen anamnyń týǵan kúni. Jeńisimdi Táýelsizdik toıy men anamnyń týǵan kúnine arnaımyn»,- dedi Dáklet Dáýkenov.

Budan buryn habarlanǵandaı, búgingi boks keshi «Habar» telearnasynyń tikeleı efırinen kórsetilip jatyr.

Aıta keteıik, keshtiń basty jekpe-jeginde qazaqstandyq Olımpıada chempıony Danııar Eleýsinov pen argentınalyq Hýan Ernan Leao jartylaı orta salmaqtaǵy IBO chempıondyq belbeýin sarapqa salady.

Otandasymyz buǵan deıin kezdesý ótkizip 16 kezdesý ótkizip, onyń altaýyn nokaýtpen aıaqtasa, onyń qarsylasy 15 jeńisiniń tórteýin nokaýtpen támamdap, bir jekpe-jegin sátsiz aıaqtaǵan.