Dáýlet Baıbolatov «Semeı ormany» rezervatynyń bas dırektory bolyp taǵaıyndaldy

SEMEI. KAZINFORM – «Semeı ormany» memlekettik orman tabıǵı rezervatynyń bas dırektory bolyp Dáýlet Baıbolatov taǵaıyndaldy.Dáýlet Kákenuly 1967 jylǵy 7 qazanda Semeı qalasynda dúnıege kelgen.

1986 jyly Lenınogor orman tehnıkýmyn orman sharýashylyǵy tehnıgi mamandyǵy boıynsha bitirdi. 1995 jyly Sibir tehnologııalyq ınstıtýtyn orman sharýashylyǵy ınjeneri biliktiligi boıynsha tamamdaǵan.

Eńbek jolyn 1986 jyly Semeı mehanıkalandyrylǵan orman sharýashylyǵynyń Krasnokordon ormanshylyǵynyń órt sóndirý stantsııasynyń bastyǵy retinde bastaǵan. Odan keıin Semeı orman sharýashylyǵy óndiristik kásipornynyń orman qorǵaý ınjeneri, Krasnokordon ormanshylyǵynyń ormanshysy, Prıgorod ormanshylyǵynyń ormanshysy, Qashtak ormanshylyǵynyń ormanshysy, Talıtsk ormanshylyǵynyń basshysy laýazymdaryn atqarǵan.

«Semeı ormany» memlekettik orman tabıǵı rezervatynyń Semeı, Jańa Shúlbi, Morozov fılıaldarynyń dırektory boldy. Osy qyzmetke taǵaıyndalmas buryn «Semeı ormany» rezervaty bas dırektorynyń orynbasary bolyp jumys istegen. 

Orman sharýashylyǵy salasyndaǵy jalpy eńbek ótili - 40 jyl. 

Eske salsaq, buǵan deıin Ramıl Kamalovtyń Tótenshe jaǵdaılar vıtse-mınıstri bolyp taǵaıyndalǵany habarlanǵan.