Daýlardyń jekelegen sanattary Azamattyq-protsestik kodeksten ákimshilik rásimdik qujatqa aýystyrylady
ASTANA. KAZINFORM – Búgin Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine ákimshilik ádilet salasyn jetildirý jáne keńeıtý máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy.
«2021 jylǵy 1 shildede memlekettik organdar men jeke tulǵalardyń ózara is-qımyl tásilderin túbegeıli ózgertken Ákimshilik rásimdik-protsestik kodeks (ÁRPK) qoldanysqa engizildi. Osy kodeks qoldanysqa engizilgennen kezden bastap, erejelerdiń tıimdiligi ákimshilik sottarda daýlardy qaraý tájirıbesinde kórindi. Sonymen qatar, quqyq qoldaný praktıkasy ÁRPK-niń protsedýralyq jáne protsestik bólikterin odan ári jetildirý qajet ekendigin kórsetti. 2022 jylǵy 1 qyrkúıektegi Memleket basshysy Qazaqstan halqyna «Ádiletti memleket. Birtutas ult. Berekeli qoǵam» Joldaýynda ákimshilik ádilet salasyn odan ári keńeıtý qajettigin atap ótti. Ádilet mınıstrligi Úkimet aldyna qoıylǵan mindetter aıasynda qaralyp otyrǵan zań jobasynda kórsetilgen belgili bir baǵyttardy ázirledi», - dedi Ádilet mınıstri Azamat Esqaraev.
Zań jobasy mynadaı negizgi baǵyttar eskerilgen:
Birinshisi – jarııa-quqyqtyq daýlardyń jekelegen sanattaryn Azamattyq protsestik kodeksinen ákimshilik ádilet aıasyna kóshirý. Olarǵa «Normatıvtik quqyqtyq aktiniń zańdylyǵyn daýlaý týraly ister boıynsha is júrgizý» APK-niń 30-taraýy jáne «Azamattyq hal aktileri jazbalarynyń durys emestigin anyqtaý týraly ister boıynsha is júrgizý» APK-niń 44-taraýy jatady.
Ekinshisi – Úkimetke memlekettik organdar jáne memlekettik organdar men memlekettik uıymdar arasyndaǵy zańnamalyq normalardy túsindirý jónindegi daýlardy sheshý jónindegi ókilettikterdi bekitý. Ádilet mınıstrligi memlekettik organdardyń, memlekettik organdar men memlekettik uıymdar arasyndaǵy daýlardy ÁRPK erejeleri (daýlardy sotqa deıin retteý) jáne Úkimet Reglamentiniń erejeleri boıynsha qaralatyn tásildi ázirledi.
Úshinshisi - Ákimshilik rásimder týraly zańnamanyń jekelegen normalaryn odan ári túzetý, sondaı-aq ÁRPK-ke tıisti ózgerister men tolyqtyrýlar engizý.
«Memleket basshysy Qazaqstan halqyna Joldaýynda Úkimetke memlekettik organdar, memlekettik organdar men memlekettik uıymdar arasyndaǵy daýlardyń sheshý jónindegi ókilettikterdi bekitý qajet ekenin de atap ótti. Osylaısha, Ádiletmıni memlekettik organdar, memlekettik organdar men memlekettik uıymdar arasyndaǵy daýlardyń ÁRPK erejeleri (daýlardy sotqa deıin retteý) jáne Úkimet reglamentiniń erejeleri boıynsha qaralý tásilin ázirledi. Máselen, eger bir memlekettik organ basqa memlekettik organnyń sheshimimen kelispese, onda ol joǵary turǵan memlekettik organǵa ákimshilik shaǵymmen júginýge quqyly jáne tıisinshe joǵary turǵan memlekettik organnyń sheshimimen kelispegen jaǵdaıda, ol Úkimet apparatyna júginýge quqyly bolady», - dedi mınıstr.
