Daýys berýshiler legi artyp, saılaý ýchaskelerine kelýshiler kóbeıip keledi
ASTANA. KAZINFORM — Tań atyp, kún kóterilgen saıyn saılaý ýchaskelerindegi daýys berýshiler legi tolastar emes. Daýys berý búkil eldi qamtyp, saılaý jáshikteriniń janyndaǵy úırenshikti kórinistermen qatar, bul kúnge erekshe reńk beretin oqıǵalar da bolyp jatyr.
Al shetelde daýys berý budan da erterek bastaldy. Jergilikti ýaqyt boıynsha alǵashqy bolyp Seýl men Tokıodaǵy saılaý ýchaskeleri ashyldy.
Al Almaty oblysynda saılaý otbasylyq sherýge ulasty. Jambyl Jabaevtyń 30-ǵa jýyq urpaǵy aqynnyń ádebı-memorıaldyq mýzeıiniń aldyna jınalyp, saılaý ýchaskesine birge jaıaý bardy. Saılaýshylardy halyq kúılerin oryndaǵan dombyrashylar súıemeldedi, al aqynnyń shóbereleriniń kıiminde «Jambyl — 180 jyl» degen jazý boldy.
Dese de búgingi tańdaǵy eń erekshe oqıǵalardyń biri Ulytaý oblysynda tirkeldi.
Qyzyljar aýylynyń 116 jastaǵy turǵyny, eldegi eń qart keıýana Túımegúl Temirbaeva da óz tańdaýyn jasady. 1910 jyly dúnıege kelip, bir ǵasyrdan astam ǵumyr keshken ol Quryltaı depýtattaryn saılaýǵa alǵash ret qatysty.
Saǵat ótken saıyn mundaı oqıǵalar kóbeıip, saılaýshylar legi artyp keledi.
Aıta ketelik elimizde tarıhı Quryltaı saılaýy ótip jatyr.
