Daýys berip úlgerýge bir saǵat qaldy: saılaýshylar belsendiligin báseńdeter emes
ASTANA. KAZINFORM — Alǵashqy Quryltaı saılaýynyń aıaqtalýyna nebári bir saǵat qaldy. Soǵan qaramastan saılaý ýchaskelerindegi adam legi áli de tolastar emes. Biri jumystan keıin kelse, endi biri ýchaske jabylǵanǵa deıin daýys berip úlgerýge asyǵyp jatyr. Saǵat 19:00–ge qaraı da saılaýshylar legi áli de jalǵasyp otyr.
Kúni boıy túrli býyn ókilderi belsendilik tanytty. Jastar men orta jastaǵy azamattarmen qatar aǵa býyn ókilderi de óz tańdaýyn jasady. Olardyń arasynda 116 jastaǵy saılaýshy men 105 jastaǵy soǵys ardageri bar.
Daýys berýge múgedektigi bar azamattar, onyń ishinde arbamen qozǵalatyn saılaýshylar da keldi.
Saılaý ýchaskelerinen erekshe oqıǵalar da áli de tirkelip jatyr. Alataý qalasynda jas otbasy aldymen daýys berip, keıin ekinshi sábıin kútip júrgen erli-zaıyptylar dál sol saılaý ýchaskesinde gender-patı ótkizdi.
Al Shyǵys Qazaqstanda ShQTÝ rektory daýys berýge júrgizýshisiz elektromobılmen keldi.
Saılaý Qazaqstannan tys jerlerde de jalǵasyp jatyr.
Syrtqy ister mınıstrliginiń málimetinshe, shetelde 78 saılaý ýchaskesi ashylǵan. Osy ýaqytqa deıin olarda 4378 adam daýys bergen.
Al birqatar sheteldik saılaý ýchaskeleri jumysyn aıaqtap ta úlgerdi. Olardyń qatarynda Ońtústik Koreıa, Japonııa, Qytaı, Sıngapýr, Malaızııa, Mońǵolııa, Indonezııa, Taıland jáne Vetnamdaǵy saılaý ýchaskeleri bar.
Eske salaıyq, buǵan deıin Bakýde Quryltaı saılaýy kezinde saılaýshylardyń belsendiligi baıqalyp otyrǵanyn jazǵanbyz.
