Daýys berý kúni toltyrylǵan bıýlleten fotosyn taratýǵa tyıym salynady
ASTANA. KAZINFORM – 23 tamyzda ótetin Quryltaı depýtattaryn saılaý kúninde toltyrylǵan bıýlleten fotosyn taratýǵa tyıym salynady. Bul týraly Ortalyq saılaý komıssııasynyń otyrysynda komıssııa múshesi Lázzat Súıindik málim etti.
- «Qazaqstan Respýblıkasyndaǵy Saılaý týraly» Konstıtýtsııalyq zańynyń 27-babyna sáıkes, daýys berý kúni toltyrylǵan bıýlletenniń foto jáne nemese beınetúsirilimin júzege asyrýǵa jáne ony taratýǵa tyıym salynady, - dedi Lázzat Súıindik.
Degenmen onyń aıtýynsha, saılaýshynyń saılaý ýchaskesinde sýretke túsý quqyǵyna shekteý qoıylmaıdy.
- Mysaly, eger saılaýshynyń qaı partııaǵa daýys bergeni kórinbeıtin bolsa, daýys berý jáshiginiń janynda nemese bıýlletendi jáshikke salý sátinde de sýretke túsýge bolady. Daýys berý kúninen keıin mundaı materıaldardy taratýǵa bul tyıym qoldanylmaıdy. Óıtkeni ol dál daýys berý kúnine qatysty belgilengen, - dedi komıssııa múshesi.
Aıta keteıik, Quryltaı depýtattaryn saılaý barysyn 777 halyqaralyq baıqaýshy qadaǵalaıdy. Onyń ishinde 160 baıqaýshy 42 shet memleketten, al 617 baıqaýshy 13 halyqaralyq uıymnan tirkelgen.
