Daýys berý 10 363 ýchaskede júrip jatyr
ASTANA. KAZINFORM – Elimiz boıynsha 10 363 saılaý ýchaskesinde daýys berý júrip jatyr. Bul týraly Ortalyq saılaý komıssııasy tóraǵasynyń orynbasary Muhtar Erman málim etti.
- Ortalyq saılaý komıssııasy Astananyń, oblystardyń, respýblıkalyq mańyzy bar qalalardyń aýmaqtyq saılaý komıssııalary usynǵan aqparatqa sáıkes saǵat 07:00-degi jaǵdaı boıynsha óńirlerde 10 363 saılaý ýchaskesi daýys berýge kiriskenin habarlaıdy. Sondaı-aq shet memleketterde 19 saılaý ýchaskesinde daýys berý bastaldy. Sonymen, el tarıhyndaǵy alǵashqy Quryltaı depýtattaryn saılaý bastaldy, - dedi ol.
Muuhtar Ermannyń málimetinshe, 107 ýchaskede daýys berý tańǵy saǵat 06:00-den bastan júrip jatyr.
- Saılaýshylar tizimine 12 605 788 adam engizilgen. Olardyń 17 132-si daýys berý quqyǵyn beretine esepten shyǵarý kýálikterin aldy. Barlyǵy 10 423 saılaý ýchaskesi bar. Onyń ishinde 61 shet memlekette 79 ýchaske. 1 saǵattan keıin Syrtqy ister mınıstrliginiń sheteldegi ýchaskelerdiń ashylýy týraly aqparaty usynylady, - dedi Muhtar Erman.
Quryltaı saılaýyna qatysty barlyq jańalyqpen myna siltemege ótip oqı alasyzdar. Elimizde tarıhı Quryltaı saılaýynda 145 depýtattyq mandatqa «Ádilet», JSDP, «Baıtaq», QHP, «Aýyl» partııasy, «Aq jol» jáne Respublica — barlyǵy 7 partııadan 545 kandıdat tirkelgen.
